දේශීය හස්ත කර්මාන්ත ශිල්පීන්ගේ විශිෂ්ට නිර්මාණ ජාතික මට්ටමින් ඇගයෙන ශිල්ප අභිමානී 2021 ජනාධිපති හස්ත කර්මාන්ත සම්මාන උලෙළ ජනාධිපති ගෝඨාභය රාජපක්ෂගේ ප්‍රධානත්වයෙන් සිරිමාවෝ බණ්ඩාරනායක සම්මන්ත්‍රණ සහ ප්‍රදර්ශන මධ්‍යස්ථානයේ දී ඊයේ පැවැත්වුණා. මෙහි දී දිවයින පුරා විසිරී සිටින පාරම්පරික හා නුතන හස්ත කර්මාන්ත ශිල්පීන්ගේ නිර්මාණ පළාත් හා ජාතික මට්ටමින් ඇගයීමට ලක් කෙරුණා.
විශ්වවිද්‍යාල ආචාර්ය හා මහාචාර්යවරුන්ගේ සැදුම්ලත් විනිශ්චය මණ්ඩලයක් විසින් ප්‍රධාන අංශ 21ක් යටතේ නිර්මාණ තෝරාගැනීම සිදු කෙරුණු අතර, නිර්මාණ 8,000ක් අතරින් තෝරාගත් ජයග්‍රාහකයින්ට සම්මාන පිරිනැමූ බවයි ජනාධිපති මාධ්‍ය අංශය නිවේදනය කළේ.
මේ අතර, මෙරට විදේශ තානාපති කාර්යාලවල නියෝජිතයින් සහ අග්‍රාමාත්‍ය මහින්ද රාජපක්ෂ අතර හමුවක් ඊයේ අරලියගහ මන්දිරයේ දී පැවැත්වුණා. තානාපති සබඳතාවලට අදාළ ව අග්‍රාමාත්‍යවරයා සහ තානාපති නියෝජිතයින් අතර මෙහි දී සුහද සාකච්ඡාවක් සිදු වූ බවයි අග්‍රාමාත්‍ය කාර්යාලය සඳහන් කළේ. source-hiru
614 total views, 1 views today