වසර දෙකකට පසු පැවෙත්වෙන අන්තර් සමාජ ලීග් රග්බි තරගාවලිය පසුගියදා කොළඹදී ආරම්භ වුණා. තරගාවලිය ආරම්භ කරමින් සී. ආර් ඇන්ඩ් එෆ්. සී කණ්ඩායම සහ ශ්‍රී ලංකා යුධ හමුදාව තරග බිමට පිවිසියා. ආරම්භයේ සිට ඉතා ප්‍රවේගකාරී තරග රටාවක් දියත් කල සී. ආර් ඇන්ඩ් එෆ්. සී කණ්ඩායම තරගයේ පළමු අර්ධය නිමා වන විට ලකුණු 16-6ක් ලෙස පෙරමුණ ගත්තා.
කෙසේ වෙතත් දෙවැනි අර්ධයේදී සී. ආර් ඇන්ඩ් එෆ්. සී කණ්ඩායමට යුධ හමුදාවෙන් එල්ල වුනේ ප්‍රබල අභියෝගයක්. එම අර්ධයේදී ඔවුන් තවත් ලකුණු 10ක් රැස් කළා. සී. ආර් ඇන්ඩ් එෆ්. සී කණ්ඩායමට එම අර්ධයේදී කිසිඳු ලකුණක් හෝ රැස් නොකිරීමද කැපී පෙනුණා.
ඒ අනුව තරගය ලකුණු 16-16ක් ලෙස ජය පරාජයෙන් තොරව අවසන් වුණා. මේ අතර අන්තර් සමාජ ලීග් රග්බි තරගාවලියේ තවත් තරගයක් නාවික හමුදාව සහ හැව්ලොක් කණ්ඩායම අතර කොළඹ හැව්ලොක් පිටියේ දී පැවැත්වුණා.
පළමු අර්ධයේදී ප්‍රබල තරග රටාවක නිරත වුණු හැව්ලොක් ක්‍රීඩකයින් ලකුණු 21-0ක් ලෙස තරගයේ පෙරමුණ ගත්තා. දෙවැනි අර්ධයේදී නාවික හමුදා කණ්ඩායමට ලබා ගැනීමට හැකි වුනේ ලකුණු 5ක් පමණයි. ඒ අනුව එම තරගය ලකුණු 21-5ක් ලෙස හැව්ලොක් කණ්ඩායම ජය ගත්තා. source-hiru
287 total views, 1 views today