අද (24) පෙරවරු 11න් පසු පවතින ඉන්ධන අර්බුදය හමුවේ විදුලි කප්පාදුවක් සිදුකිරීම සම්බන්ධයෙන් ප්‍රකාශ කළ හැකි බව ලංකා විදුලිබල මණ්ඩලය පවසයි. ඉන්ධන නොමැතිකම හේතුවෙන් මේ වන විට සපුගස්කන්ද සහ කැලණිතිස්ස බලාගාර මුළුමනින්ම අක්‍රීය තත්ත්වයේ පවතියි. ඒ හේතුවෙන් මෙගාවොට් 400කට ආසන්න විදුලි ධාරිතාවක් ජාතික පද්ධතියට අහිමි වී තිබේ.
එමෙන්ම දිවයිනට බලපා ඇති වියළි කාලගුණික තත්ත්වය හේතුවෙන් ජල විදුලිය නිෂ්පාදනය ද අවම මට්ටමක පවතියි. පවතින තත්ත්වය හමුවේ විදුලි කප්පාදුවක් සිදුකිරීමට විදුලිබල මණ්ඩලයට සිදුවනු ඇති බව විදුලි ඉංජිනේරුවරුන් පෙන්වා දෙයි. අද (24) සහ හෙට (25) යන දෙදින තුළ විදුලි කප්පාදුවක් සිදුවිය හැකි බවද ඔවුන් සඳහන් කළේය.
මේ අතර ලංකා විදුලිබල මණ්ඩලයේ සාමාන්‍යාධිකාරීවරයා පත්කිරීමට අදාළව අධිකරණය විසින් ලබාදී ඇති තීන්දුවට අනුව කටයුතු නොකළහොත් දැනට සිදුකරන වෘත්තිය සමිති ක්‍රියාමාර්ගය තවදුරටත් දැඩිකරන බව විදුලි ඉංජිනේරුවරුන් පවසයි.
ඒ සම්බන්ධයෙන් අදහස් දක්වන විදුලි ඉංජිනේරුවරුන්ගේ සංගමයේ සභාපති සෞම්‍ය කුමාරවඩු මහතා,
“අපට ආරංචියක් තියෙනවා තැවතත් බෝඩ් එක රැස්වෙනවා කියලා. ඒ බෝඩ් මීටිමේදී නීතිපතිවරයා දීපු උපදෙස් අනුව, ඇමතිවරයා දීපු අනුමැතිය අනුව, ජනාධිපතිවරයාත් මැදිහත්වෙලා කියලා තියෙනවා. ඒ වගේම ගරු අධිකරණයෙන් දුන් තීන්දුවේ 5.1 වගන්තිය අනුව ජ්‍යෙෂ්ඨතම ඉංජිනේරුවා වන ආචාර්ය අබේසේකර මහතා සාමාන්‍යාධිකාරීවරයා ලෙස පත්කරගත්තේ නැත්නම් වෘත්තිය සමිති ක්‍රියාමාර්ගය ඉතාම දැඩි වෘත්තිය සමිති ක්‍රියාමාර්ගයක් බවට පත්කරනවා. මොකද එහි වගකීම සම්පූර්ණයෙන්ම මේ සභාපතිවරයා සහ මේ අර්බුදවලට විදුලිබල මණ්ඩලය තල්ලුකරන සියලුදෙනාම භාරගන්න ඕනේ අපි මේ සභාපතිවරයා පිළිබඳවත් තීරණයක් ගන්නවා.” source-derana
32 total views, 2 views today