දකුණු චීනයේ සිදුකළ කැණීම් වලින් වසර මිලියන 66 – 72 පමණ ඈතට දිවෙන ෆොසිල කළ බිත්තරයක් තුළ ඉතා හොඳින් සංරක්ෂණය කරන ලද ඩයිනසෝර කලලයක් සොයාගෙන තිබෙනවා. මෙම කලලරූපය ‘Baby Yingliang’ ලෙස නම් කර ඇති අතර එය Jiangxi පළාතේ Ganzhou නගරයේ, ෂාහේ කර්මාන්ත උද්‍යානයේ ‘Hekou Formation’ පාෂාණවලින් හමුවී තිබෙනවා.
බර්මින්හැම් විශ්ව විද්‍යාලයේ ප්‍රමුඛ පාෂාණ විද්‍යාඥයින් පවසන්නේ ළදරු දත් නැති, හොට සහිත තෙරොපොඩ් ඩයිනසෝරයන් හෝ ‘ඕවිරැප්ටෝරෝසෝර’ විශේෂවලට අයත් බවයි. පිහාටු සහිත Oviraptors වර්ගය පිළිබඳව තොරතුරු ආසියාවේ සහ උතුරු ඇමරිකාවේ පාෂාණවල දක්නට ලැබෙනවා.
එමෙන්ම ඔවුන්ට විවිධ හොටවල් සහ ශරීර ප්‍රමාණයන් ඇති අතර ඔවුන්ට පුළුල් පරාසයක ආහාර වේලක් අවශ්‍යව තිබෙනවා. මෙය ඩයිනෝ කලල වලින් එකක් වන අතර සාමාන්‍යයෙන් ඩයිනෝසෝරයන් තුළ දක්නට ලැබෙන ප්‍රමාණයට වඩා කලලය පක්ෂීන් තුළ දක්නට ලැබෙන ඉරියව්වලට සමීප වනවා. විශේෂයෙන්ම, බිලිඳු යින්ග්ලියැන්ග් බිහිවීමට ආසන්නව සිටි පැටවෙක් බව සොයාගෙන තිබෙනවා.
උගේ හිස ශරීරයට පහළින්, පිටුපස බිත්තරයේ මොට කෙළවරට වක්කර තිබූ අතර දෙපතුල් එහි දෙපස ස්ථානගත කර තිබුණා.නූතන පක්ෂීන් තුළද, එවැනි ඉරියව්වක් උපකල්පනය කෙරෙනවා. ඒ, සාර්ථකව පැටවුන් බිහි වීම සඳහා තීරනාත්මක වන මධ්යම ස්නායු පද්ධතිය විසින් පාලනය කරනු ලබන කලල හැසිරීමකි.
Baby Yingliang ගේ එවැනි හැසිරීම් සොයාගැනීමෙන් පෙනී යන්නේ මෙය කුරුල්ලන්ට පමණක් ආවේණික නොවන බවයි. ඒ වෙනුවට කුරුළු නොවන තෙරපොඩ් ඩයිනෝසෝරයන් අතර මුලින්ම පරිණාමය වන්නට ඇති බවට සැක කෙරෙනවා.
මේ පිළිබඳව අධ්‍යනය කර ඇත්තේ බර්මින්හැම් විශ්වවිද්‍යාලයේ පෘෂ්ඨවංශික පාෂාණ විද්‍යාඥ “ෆියෝන් වයිසම් මා” සහ ඇගේ සගයන් විසින්. ඩයිනොසෝර කළලය දුර්ලභ පොසිලයක් වන නමුත් ඒවායින් බොහොමයක් අස්ථි විස්ථාපනය වීමත් සමඟ අසම්පූර්ණ වී තිබෙන බව සඳහන්.
“Baby Yingliang” විශිෂ්ට තත්ත්වයෙන් සංරක්ෂණය කර ඇති අතර ඩයිනෝසෝරයන්ගේ වර්ධනය සහ එය සමඟ ප්‍රජනනය පිළිබඳ ප්‍රශ්න රාශියකට පිළිතුරු දීමට උපකාර වන බවද සඳහන්. මෙම ඩයිනොසෝර කලලයක් සහ කුකුල් කළලයක් බිත්තරය තුළ සමාන ආකාරයෙන් පෙනී සිටීම සිත්ගන්නා කරුණක් වනවා.
මෙහි නම සැකසී ඇත්තේ ෂියාමෙන් හි යින්ග්ලියැන්ග් ස්ටෝන් නේචර් ඉතිහාස කෞතුකාගාරයෙන් වන අතර එහි පොසිල එකතු කිරීම් හා සම්බන්ධ ස්ථානයක් වනවා. පර්යේෂකයන් විශ්වාස කරන්නේ කළල oviraptorosaur හිස සිට වලිගය දක්වා අඟල් 10.6 (27 cm) පමණ විය හැකි බවයි.
එමෙන්ම එය අඟල් 6.7 (17 cm) දිග බිත්තරයක් තුළ ගුලි වී වර්ධනය වෙමින් පවතින බවයි. මෙය 2000 වර්ෂයේදී සොයාගෙන ඇති අතර බිත්තර පොසිල බවට සැක කිරීම හේතුවෙන් පරීක්ෂණ කර තිබෙනවා. 2010 වසරේදී Yingliang Stone Nature ඉතිහාස කෞතුකාගාරය ඉදිකිරීමේදී ඩයිනොසෝර බිත්තර පොසිල ලෙස හඳුනාගෙන තිබෙනවා.
පසුව පොසිල සකස් කිරීම සිදු කරන ලද අතර අවසානයේ බිත්තරය තුළ සඟවා ඇති කලල රූපය නිරාවරණය වී තිබෙනවා. එඩින්බරෝ විශ්ව විද්‍යාලයේ සම කර්තෘ සහ පෘෂ්ඨවංශික පාෂාණ විද්‍යාඥ Steve Brusatte පැවසුවේ මෙම බිත්තරය තුළ ඇති ඩයිනොසෝර කලලය ඔහු මෙතෙක් දැක ඇති ලස්සනම පොසිල වලින් එකක් බවයි.
මෙම කුඩා පූර්ව ප්‍රසව ඩයිනෝසෝරයා පෙනෙන්නේ උගේ බිත්තරයේ රැලි ගැසුණු කුරුල්ලෙකු මෙන් වනවා. එය අද සිටින පක්ෂීන්ගේ ලක්ෂණ බොහොමයක් ඔවුන්ගේ ඩයිනෝසෝර මුතුන් මිත්තන් තුළ තිබී මුලින්ම පරිණාමය වූ බවට තවත් සාක්ෂියක් බවද සඳහන්. source-colombotimes
550 total views, 1 views today