අද (29) දින ශ්‍රී ලංකා කණ්ඩායම සහ සංචාරක බටහිර ඉන්දීය කොදෙව් කණ්ඩායම අතර දෙවන සහ අවසන් ටෙස්ට් තරගය ගාල්ල ජාත්‍යන්තර ක්‍රිකට් ක්‍රීඩාංගණයේදී ආරම්භ වීමට නියමිතයි. ලෝක ටෙස්ට් ශූරතාවලියට අයත්, මෙම තරගාවලිය දැනටමත් ශ්‍රී ලංකාව එකට බින්දුවක් ලෙස පෙරමුණේ පසුවනවා. අද ආරම්භවන තරගය ජයගනිමින් දෙකට බින්දුවක් ලෙස තරගාවලිය නිමකර ගැනීම ශ්‍රී ලංකා පිලේ අපේක්ෂාවයි.
මෙම තරගය ශ්‍රී ලංකා කණ්ඩායමේ ප්‍රධාන පුහුණුකරු ලෙස මිකී ආතර් යටතේ ක්‍රීඩා කරන අවසන් තරගය බැවින් ඔහුට ජයග්‍රාහී සමුදීමකට ද ශ්‍රී ලංකා පිලේ ක්‍රීඩකයින් සූදානම් වනවා. දෙපිල අතර මේ වනවිට ටෙස්ට් තරග 23ක් පවත්වා ඇති අතර, අවසන් තරගයේ ජයත් සමග ශ්‍රී ලංකාව දිනා ඇති තරග සංඛ්‍යාව 10ක්. කොදෙව්වන් තරග හතරක් ජයගනිද්දී ජය පැරදුමෙන් තොරව අවසන් වූ තරග සංඛ්‍යාව 9ක්. source-hiru
92 total views, 2 views today