ඉලෙක්ට්‍රොනික උපාංග නිෂ්පාදනයේ පෙරගමන්කරුවෙක් ලෙස සැලකෙන “SAMSUNG” සමාගම නව කර්මාන්ත ශාලාවක් ඇරඹීම සඳහා සුවිශල් ආයෝජනයක් කිරීමට සැරසෙයි. ඒ අනුව අමෙරිකාවේ ටෙක්සාස් ප්‍රාන්තයේ ඉදිකිරීමට අපේක්ෂිත පරිඝනක චිප් නිෂ්පාදන කම්හලක් සඳහා ඔවුන් ඩොලර් බිලියන 17ක් ආයෝජනය කිරීමට සැලසුම් කර තිබේ.
එය දකුණු කොරියානු සමාගම අමෙරිකාව තුළ සිදුකෙරෙන විශාලතම ආයෝජනය ලෙස සැලකෙයි. තාක්ෂණික කර්මාන්ත ක්ෂේත්‍රයට අදාළ රැකියා 2,000ක් එමගින් උත්පාදනය වෙතැයි අනුමාන කෙරේ. එහි ඉදිකිරීම් කටයුතු ලබන වසර මුලදීආරම්භ කිරීමට සූදානම් කර තිබේ.
මේ වනවිට ලොව පුරා පරිඝනක චිප් සඳහා දැඩි ඉල්ලුමක් ඇති අතර ලොව ප්‍රමුඛ පෙළේ සමාගම් කිහිපයක් නිෂ්පාදන කටයුතු වැඩිකිරීම සඳහා මූල්‍ය ආයෝජන වැඩිකරමින් සිටී. එම කර්මාන්ත ශාලාවේ නිෂ්පාදන කටයුතු 2024 වනවිට ආරම්භ කිරීමට අපේක්ෂිතය. source-derana
40 total views, 2 views today