නැවත දැනුම්දෙන තුරු මහරගම අපේක්ෂා රෝහලට දානමය පරිත්‍යාගය භාරගැනීම තාවකාලිකව අත්හිටුවීමට තීරණය කර තිබේ. එම රෝහලේ අධ්‍යක්ෂ, විශේෂඥ වෛද්‍ය විජිත් ගුණසේකර මහතා නිවේදනයක් නිකුත් කරමින් මේ බව සඳහන් කර ඇත.
පසුගිය සති කිහිපයක කාලය තුළ දී මාධ්‍ය මඟින් රෝහලට පරිත්‍යාගශීලින් විසින් ලබාදෙන දානමය ආධාර සම්බන්ධයෙන් ගැටලුකාරී තත්ත්වයක් වාර්තා වී ඇති බවත් අමාත්‍යාංශ මට්ටමින් සිදුකෙරෙන පරීක්ෂණය අවසන් වන තුරු මෙම තීරණය ගත් බවත් රෝහල් අධ්‍යක්ෂවරයා සඳහන් කර තිබේ.
දානමය ආධාර සම්බන්ධයෙන් ඇති වී තිබෙන ගැටලුකාරී තත්ත්වයන් සෞඛ්‍ය සේවා අධ්‍යක්ෂ ජනරාල්වරයා ඇතුළු වගකිවයුතු පාර්ශවයන් දැනුවත් කිරීමෙන් අනතුරුව අමාත්‍යාංශ මට්ටමින් පරීක්ෂණ සිදුකිරීමට අදාළ පියවර මේ වන විටත් ගෙන ඇතැයි ද රෝහල් අධ්‍යක්ෂ, විශේෂඥ වෛද්‍ය විජිත් ගුණසේකර මහතා වැඩිදුරටත් සඳහන් කරයි. source-derana
28 total views, 2 views today