ලොව විශාලතම සදාහරිත වැසි වනාන්තරය වන ඇමේසන් වන පියස ගත වූ වසරේදී, වසර 15 කින් වැඩිම විනාශයකට ගොදුරු වී ඇති බව අනාවරණ වී තිබෙනවා. බ්‍රසීල අභ්‍යවකාශ පර්යේෂණ ආයතනය චන්ද්‍රිකා ඡායාරූප උපයෝගි කර ගනිමින් ප්‍රකාශ කළේ ඇමේසන් වනයේ විනාශය වසරක් පාසා සියයට 22 කින් ඉහළ යන බවයි.
පසුගිය වසරක කාලය තුල එහි වර්ග කිලෝමීටර් 13,225 ක් අහිමිවී ඇති අතර එය 2006 වසරෙන් පසු වාර්තා වන වැඩිම අගයයි. ඇමේසන් වනය සත්ත්ව සහ ශාක විශේෂ මිලියන 3 කට නිවහන වන අතර, එහි වෙසෙන ගෝත්‍රික ජන කොටස මිලියනයකට ආසන්නයි.
ඇමේසන් වනයෙන් වැඩි කොටසක් අයත් බ්‍රසීලයේ ජනාධිපති බොල්සොනාරෝගේ පාලන සමය තුල වන විනාශය ඉහළ ගොස් ඇත්තේ එහි කෘෂිකාර්මික සහ පතල් කැණීම් කටයුතු ඔහු විසින් දිරිගැන්වීම හේතුවෙන්. කෙසේ නමුත්, පසුගියදා පැවති ලෝක කාලගුණ සමුළුවේදී බ්‍රසීලය ද වසර 2030 වනවිට වන විනාශය නතර කිරීමට ප්‍රතිඥා දී තිබුණා. source-hiru
100 total views, 2 views today