රබර් ආශ්‍රිත නිෂ්පාදන ආයනයයට සීමා පනවන බව මුදල් අමාත්‍ය බැසිල් රාජපක්ෂ ප්‍රකාශ කළා. 2022 වසර සඳහා වන අයවැය පාර්ලිමේන්තුවට ඉදිරිපත් කරමින් ඔහු කියාසිටියේ රබර් ආශ්‍රිත නිමි ද්‍රව්‍ය සඳහා වන ආයෝජන දිරි ගැන්වීමට පියවර ගන්නා බවයි.
කාබනික පොහොර නිෂ්පාදන ධාරිතාව වැඩි කිරීම සඳහා ග්‍රාම නිලධාරී වසම් මට්ටමින් නව වැඩපිළිවෙලක් සකස් කෙරෙන අතර වගා නොකළ ඉඩම් උපරිම ලෙස ප්‍රයෝජනවට ගැනීම සඳහා නව නීති හඳුන්වාදීමට ද මුදල් අමාත්‍යවරයා අයවැය ඉදිරිපත් කරමින් යෝජනා කළා.
ගොවි වරප්‍රසාද ආරක්ෂා කරන හරිත කෘෂිකාර්මික සංවර්ධන පනතක් ගෙන ඒමට යෝජනා කෙරුණු අතර ශ්‍රී ලංකාව ආසියාවේ පංචබල කේන්ද්‍රස්ථානය බවට පත් කිරීමට කටයුතු කරන බවයි මුදල් අමාත්‍යවරයා කියාසටියේ.
විදේශ ආයෝජන ආකර්ෂණය සඳහා දැනට පනවා ඇති කොන්දේසි ලිහිල් කිරීමට ද මුදල් අමාත්‍යවරයා යෝජනා කළා. සෑම දිස්ත්‍රික්කයකටම නවීන පන්නයේ ජාත්‍යන්තර පාසලක් සහ රෝහලක් ඉදි කිරීම සඳහා ඉඩම් ලබාදීමට යෝජනා කෙරුණා. source-hiru
42 total views, 2 views today