මෙවර විස්සයි විස්ස ලෝක කුසලානයේ එංගලන්ත කණ්ඩායම හා දකුණු අප්‍රිකා කණ්ඩායම අතර පැවති තරඟයෙන් ලකුණු 10 ක ජයක් වාර්තා කිරීමට දකුණු අප්‍රිකා කණ්ඩායම සමත් වුණා. කාසියේ වාසිය දිනාගත් එංගලන්ත කණ්ඩායම පන්දුවට පහරදීම සඳහා දකුණු අප්‍රිකා කණ්ඩායමට ආරධනා කළා. එංගලන්තයේ ආරාධනයෙන් තරගයේ පළමුව පන්දුවට පහරදුන් දකුණු අප්‍රිකාව කඩුලු 2ක් දැවී ලකුණු 189ක් රැස් කළා.
පිළිතුරු ඉනිම ක්‍රීඩා කළ එංගලන්තයට පන්දුවාර 20 අවසානයේ දී කඩුලු 8ක් දැවී රැස් කර ගත හැකි වූයේ ලකුණු 179ක් පමණයි. අවසන් පන්දුවාරය කාගිසෝ රබාඩා යොමු කළ අතර එම පන්දුවාරයේ පළමු පන්දු 3 තුළ දී පිළිවෙලින් ක්‍රිස් වෝක්ස්, ඔයින් මෝර්ගන් හා ක්‍රිස් ජෝර්ඩ්න් දවා ගනිමින් රබාඩා කඩුලු ත්‍රිත්වයක් වාර්තා කිරීමට සමත් වුණා. කෙසේ වෙතත් මෙම තරගයෙන් ජය ගත්ත ද දකුණු අප්‍රිකාවට තරගාවලියේ අවසන් පූර්ව වටයට සුදුසුකම් ලබා ගැනීමට හැකි වූයේ නැහැ. source-hk
16 total views, 2 views today