අධිකරණ අමාත්‍ය අලි සබ්රි මහතා පවසා සිටින්නේ කිසිදු බලපෑමකින් තොරව පුරවැසි අයිතීන් දිනා දීමට මෙරට අධිකරණ පද්ධතිය කටයුතු කරමින් සිටින බවයි. ඔහු පවසන්නේ, සෙසු රටවල් සමඟ සැසදීමේ දී මෙරට නඩු විභාග කර අවසන් කිරීමට ගතවන කාලය සම්බන්ධයෙන් සෑහිමට පත්විය නොහැකි බවය.
කහටගස්දිගිලිය නව අධිකරණ සංකීර්ණය විවෘත කිරිමේ අවස්ථාවට එක්වෙමින් අලි සබ්රි මහතා මේ බව කියා සිටියේය.
මෙහිදී වැඩිදුරටත් අදහස් දැක්වූ අමාත්‍යවරයා,
“අපේ අධිකරණය ස්වාධීනයි. යම් යම් සිදුවීමක් දෙකක් ඇරුණම ඕනේ ම රටක තියෙනවා. ස්වාධීනත්වය ඉතාමත් හොඳින් රැකගෙන කිසිදු බලපෑමකට බියනොවී අපේ අධිකරණය දිගින් දිගටම මේ රටේ මිනිස්සුන්ගේ පුරවැසියන්ගේ අයිතිවාසිකම් ආරක්ෂා කරගැනීමට කැපවෙලා. ඒ සම්බන්ධයෙන් අපි ඔවුන්ට ස්තූතිවන්ත වෙනවා. නමුත් අපි හැමෝම දන්නවා කාර්යක්ෂමතාවය, නඩු විසඳීමට ගතවන කාලය, ඒ සඳහා වියදම් වන මුදල පිළිබඳව අපිට ප්‍රසාදය ට ලක්වන්නට බෑ අනෙක් රටවල් සමඟ බැලුවහම. දර්ශක දෙකක් තියෙනවා ලෝකයේ අධිකරණ ක්‍රියාකලාපය හා වාණිජ ක්‍රියාකලාපය පිළිබඳ සලකා බලන. එකක් කියනවා අපි doing business index කියලා. එතකොට බිස්නස් කිරීමට වඩා හොඳ රටවල් කොහොද? අපි 2018 වසරේ දී තිබුණේ 112 වන ස්ථානයේ. 2019 වසරේ දී අපි 99 වන ස්ථානයේ. ඒ කියන්නේ තවත් රටවල් 98කට ගිහිල්ලා බිස්නස් කරන්න බැරි වුණාම කැක්කුමක් තියෙන්න ඕනේ මේ රටට ඇවිල්ලා බිස්නස් කරන්න. එතකොට අපිට තරඟකාරී ලෙස විදේශ ආයෝජකයෝ ආයෝජනය කිරීමේ හැකියාවක් ලැබෙන්නේ නෑ. මේක සම්පූර්ණ පද්ධතියේම තියෙන අඩුපාඩුවක්. මේක අපි විසඳාගන්න ඕනේ“. source-derana
26 total views, 2 views today