මේ වසරේ අගෝස්තු මාසයේ මෙරට ආනයන වියදම් 31%කින් ඉහළ ගොස් ඇති අතර, අපනයනයන් 16%කින් පුළුල් වී තිබෙනවා. මෙලෙස ආනයන වියදම් ඉහළ යාමට හේතු වී ඇත්තේ, ගෝලීය වශයෙන් වෙළෙඳ භාණ්ඩවල මිල ඉහළ යාමයි. එමෙන්ම මෙරට අපනයනයන් සඳහා ඉහළ මිලක් ලැබීමටද එම තත්ත්වය හේතු වී ඇති බව සඳහන්.
විශේෂයෙන් ඉන්ධන මිල ඉහළ යාම සහ විනිමය අනුපාතිකය පහත වැටීම හේතුවෙන් ආනයන වියදම් ඉහළ ගිය අතර, පසුගිය මාසයේ ඇතැම් ආනයන සීමාවන් පැනවීමට ද රජය පියවර ගත්තා. අගෝස්තු මාසයේ ශ්‍රී ලංකාව ආනයන සඳහා ඩොලර් මිලියන 1,687ක් වැය කළ අතර, අපනයන ආදායම ඩොලර් මිලියන 1,100ක්.
මේ අනුව මෙරට වෙළෙඳ පරතරය අගෝස්තු මාසයේදී ඩොලර් මිලියන 586 දක්වා ඉහළ ගොස් තිබෙනවා. වසරේ මුල් මාස අට සැලකූ විට එම පරතරය ඩොලර් මිලියන 5,509ක්.source-hiru
24 total views, 2 views today