අග්‍රාමාත්‍ය මහින්ද රාජපක්ෂ සහ ශ්‍රී ලංකාවේ වියට්නාම තානාපතිනි ‘හෝ තී තාන් ටෘක්’ අතර හමුවක් ඊයේ සිදු වුණා. ඒ, අරලියගහ මන්දිරයේ දී. අග්‍රාමාත්‍ය කාර්යාලය සඳහන් කළේ, ශ්‍රී ලංකාව සහ වියට්නාමය අතර ද්වීපාර්ශවික සබඳතා ඉහළ නැංවීම සම්බන්ධයෙන් මෙහිදී සාකච්ඡා වූ බවයි.
ඉදිරි වසරවලදී දෙරට අතර සබඳතා ඉහළ නැංවීමට බොහෝ අවස්ථා නිර්මාණය වී ඇති බවද තානාපතිවරිය මෙහිදී අග්‍රාමාත්‍යවරයාට ප්‍රකාශ කර තිබෙනවා. වියට්නාමයෙන් ශ්‍රී ලංකාවට ආයෝජන අවස්ථා ආකර්ශනය කර ගැනීමේ වැඩි හැකියාවක් ඇති බවද මෙහිදී ඇය පෙන්වා දුන්නා.
ආයෝජනවලට අමතරව ශ්‍රී ලංකාව සහ වියට්නාමය අතර බෞද්ධ සබඳතා වැඩිදියුණු කිරීම සඳහා වියට්නාමය උනන්දු වන බවද තානාපතිවරිය මෙහිදී සඳහන් කළා. එම යෝජනාව සම්බන්ධයෙන් එකඟතාව පළ කළ අග්‍රාමාත්‍ය මහින්ද රාජපක්ෂ, ඵෙතිහාසික බෞද්ධ උරුමය පදනම් කර ගනිමින් දෙරටේම ජනතාවට වැදගත් වන අයුරින් අන්‍යෝන්‍ය සබඳතා තහවුරු කළ හැකි බව පෙන්වා දී තිබෙනවා. source-hiru
4 total views, 2 views today