අනුරාධපුර – මිහින්තලේ පුරාවිද්‍යාත්මක වටිනාකමින් යුත් සුලුගුලු විහාරයේ කෘෂිකාර්මික කටයුතු සිදු කිරීම වහාම ක්‍රියාත්මක වන පරිදි අත්හිටුවීමට පියවර ගෙන ඇති බව පුරාවිද්‍යා දෙපාර්තමේන්තුව පවසනවා. එහි අධ්‍යක්ෂ ජනරාල් මහාචාර්ය අනුර මනතුංග කියා සිටියේ, අදාළ භූමිය තුළ ගොවිතැන් කටයුතු සිදු කිරීමට කිසිදු අනුමැතියක් ලබා දී නොමැති බවයි.
ක්‍රිස්තු පූර්ව 238 දී ඉදිකළ බව පැවසෙන අනුරාධපුර යුගයට අයත් සුලුගුලු විහාරය ඓතිහාසික වටිනාකමින් යුත් ගල් මඩුවක් සහ පුරාවිද්‍යා ස්මාරක රැසකින් සමන්විත වනවා. එම භූමිය ට්‍රැක්ටර් රථ යොදවා සී සෑමක් සිදු කරමින් කෘෂිකාර්මික කටයුතු ආරම්භ කිරීමට විහාරස්ථානය මඟින් පියවර ගෙන ඇති බවටයි ඊයේ වාර්තා වුණේ.
ඒ ආශ්‍රිත පොතාන, සුරැක්කුලම සහ ගල්මඩුව යන ගම්මානවල ජනතාව ඊට විරෝධය පල කරමින් සඳහන් කළේ, භූමියෙන් ආදායමක් ලබා ගැනීම සඳහා විහාරාධිපති හිමියන් විසින් කළ ඉල්ලීමකට අනුව පුරාවිද්‍යා දෙපාර්තමේන්තුව විසින් අදාළ භූමියේ කෘෂිකාර්මික කටයුතු සිදු කිරීම සඳහා අවසර ලබා දී ඇති බවයි. source-hiru
150 total views, 2 views today