අද (19) දිනට, ඉස්ලාමීය ආගමික නායක නබි නායක තුමාගේ ජන්ම දිනය යෙදී තිබේ. අභිනතුමියට හා අබ්දුල්ලා යන අයට දාව මොහොමඩ් හෙවත් නබිනායකතුමා ක්‍රිස්තු වර්ෂ 571 දී උපත ලැබීය. ඒ සෞදි අරාබියේ මක්කම නගරයේදීය. මේ සම්බන්ධයෙන් කරුණු පැහැදිලි කරන කොළඹ මහ පල්ලියේ ජාතික සමගිය සඳහා වන අන්තර් ආගමික සංවිධානයේ ආචාර්ය හසන් මවුලානා මහතා,
“අද දිනයේ දී අපි ශ්‍රී ලංකාව තුළ විතරක් නෙමෙයි මුස්ලිම් ජනතාවගේ අතිඋතුම් නායකතුමන් වන මුස්ලිම් ජනතාවගේ පණටත් ඉහළින් ආදරය කරන උතුම් මුහම්මද් නායකතුමානන්ගේ ජන්ම දිනය වෙනුවෙන් තමයි මේ ගෞරවනීය ජාතික නිවාඩුව ලබාදීලා තියෙන්නේ. විශේෂයෙන් ම අද දිනයේ දී මුළු ලෝකවාසී මුස්ලිම් ජනතාව ම උතුම් මුහම්මද් නබිනායකතුමාගේ ජන්ම දිනය සමරනවා. නමුත් ශ්‍රී ලංකාවේ කොවිඩ් තත්ත්වය එක්ක නිරෝධායන නීතිරීති එක්ක මෙරට ජීවත්වන මුස්ලිම් බැතිමතුන් සෞඛ්‍ය මාර්ගෝපදේශ ලැබිලා තියෙනවා මුස්ලිම් දේවස්ථානවල 50දෙනෙකුට සීමා කරලා නිරෝධායන නීතිරීති සම්පූර්ණයෙන් පිළිපැදලා නබිනායකතුමාගේ ජන්ම දිනය ආගම සිහිකරන්න කියලා.”
මේ අතර මුහම්මද් නබිතුමන්ගේ ජන්ම දිනය වෙනුවෙන් ජනාධිපති ගෝඨාභය රාජපක්ෂ මහතා නිවේදනයක් නිකුත් කර තිබේ. එහිදී ජනාධිපතිවරයා පෙන්වාදෙන්නේ අවංක මිනිසුන් ඉදිරිපිට දෙවියන් නිරාවරණය වන අතර එබඳු පුද්ගලයින් දෙවියන් විසින් සුදුසු උස් ස්ථාන කරා ඔසවා තබන බව නබිතුමාගේ ජීවිතය සහ දර්ශනය පිළිබඳ අධ්‍යනය කිරීමෙන් අවබෝධ කරගත හැකි බව.
එතුමන්ගේ ජීවිතය පුරා පවත්වාගෙන ගිය මානුෂීය දර්ශනය අන් කවරදාටත් වඩා අද සමාජය සුබ සිද්ධියට යොදා ගැනීම කාලෝචිත බව ද ජනාධිපතිවරයා මෙහිදී පෙන්වා දෙයි. එමෙන්ම සුභාෂිංශන පණිවුඩයක් නිකුත් කරමින් අග්‍රාමාත්‍ය මහින්ද රාජපක්ෂ මහතා පවසන්නේ, මෙවැනි දුෂ්කර කාලවකවානුවක් ජය ගැනීම සඳහා නබිනායක තුමාගේ ජීවිත ආදර්ශය තම ජීවිතයට සමීප කර ගන්නා ලෙසය. source-derana
56 total views, 2 views today